ဟေ့ ... မြန်မာဟာ မြန်မာပဲ။ မြန်မာဟာ မြန်မာပြည်မှာ နေရမယ်။ မြန်မာပြည်မှာ သေရမယ်။ အကြောင်းအမျိုးမျိုးကြောင့် ရေမြေခြားကိုရောက်နေရပေမယ့် တစ်နေ့မှာ မြန်မာပြည်ကို ပြန်ရမယ်။ အခွင့်အရေး တစ်စုံတစ်ရာကြောင့် နိုင်ငံခြားသားလုပ်ဖို့ ဘယ်တော့မှ စိတ်မကူးလေနဲ့။ (ဦးသန့်)

ကျွန်တော်ကြိုက်သောကဗျာ

Saturday, December 6, 2008

အကြိုက်ဆုံး ကဗျာလေး ရေးပေးဖို့တက်တယ်တဲ့။ အမှန်အတိုင်းပြောရရင် အကြိုက်ဆုံး ကဗျာလေးတွေက မောင်စိန်ဝင်းရဲ့ ကဗျာလေးတွေပါ။ ဒါပေမဲ့ မကြီးက အဲကဗျာတွေကတော့ တက်တဲ့သူ သုံးထားတာမို့  တစ်ခြား ကဗျာဆရာတွေထဲက ရေးပေးဆိုတော့ ဆရာဇော်ဂျီရဲ့ ဗေဒါလမ်း ကဗျာစာစုထဲက အကြိုက်ဆုံး ကဗျာ ၃ပုဒ်ရေးပေးလိုက်ပါတယ်။တက် ရေးခိုင်းတာတော့ တစ်ပုဒ်ထဲပါပဲ။ ၃ပုဒ်ထဲက ဘယ်ဟာအကြိုက်ဆုံးလည်း မသိဖြစ်နေလို့ ၃ပုဒ်လုံး ရေးပေးလိုက်တာပါ။ ဗေဒါပန်းရဲ့ စိတ်ဓာတ်နဲ့ ဇွဲလေးကို ပေါ်လွင်အောင် ရေးဖွဲ့နိုင်တယ်။ ဗေဒါပန်းလေး ဖြတ်သန်းစီးဆင်းနေတာ လူတစ်ယောက်ဘ၀မှာ လှုပ်ရှား ရုန်းကန်နေရသလိုမျိုး အခက်အခဲ၊အကွေ့အကောက်၊အထုအပုတ် တွေ နဲ့ ပြည့်နှက်နေတာလေးကို ဖော်ကျူးထားတာလေးပါ။ ဘယ်လိုပင် အခက်အခဲတွေ တွေ့တွေ့ ၊ ဘယ်လို လောကဓံတရားတွေကပဲ ရိုက်ခတ် ရိုက်ခတ် ၊ ဘယ်တော့မှ ဦးကျိုးမသွားတဲ့ ဗေဒါပန်းလေးလိုမျိုး အစဉ်ထာဝရ ပန်းပန်နေနိုင်ဖို့အတွက် တင်ပြပေးလိုက်ခြင်းဖြစ်ပါသည်။

ပန်းပန်လျက်ပဲ
ညိုပြာပြာ လတာပြင် ခြေရင်း။
လှိုင်းတက်ရ ဗေဒါတက်၊လှိုင်းသက်ရာဆင်း။

ဆင်းရလည်း မသက်သာ။
အုန်းလက်ကြွေ့ ရေပေါလော၊မျောစုန်လို့လာ။
အဆင်းနဲ့အလာ၊ ဗေဒါမ အထွေး။
အုန်းလက်ကြွေ့ သူ့နံဘေး၊ ဆောင့်ခဲ့ရသေး။

ဆောင့်ခဲ့လည်း မသက်သာ။
နောက်တစ်ချီ ဒီတစ်လုံးက၊ ဖုံးလိုက်ပြန်ပါ။
မြှုပ်လေပေါ့ ပေါ်မလာ၊ မဗေဒါ အလှ။
တစ်လံကွာ လှိုးအကြွ၊ ပေါ်လိုက်ပြန်ရ။

ပေါ်ပြန်လည်း မသက်သာ။
ချောင်းအဆွယ် မြောင်းငယ်ထဲက
ဘဲထွက်လို့လာ။

ဘဲအုပ်မှာ တစ်ရာ နှစ်ရာ
ဗေဒါက တစ်ပင်ထဲ(တည်း)။
အယက် အကန်ခံလို့
ဗေဒါပျံ အံကိုခဲ၊ ပန်းပန်လျက်ပဲ။ ။
*****

ဆိုင်ခင်းလျက်ပဲ
အညာလှေ
အညာမြေ ကုန်ရောင်းဖို့၊ ဒီချောင်းမှာနား။
ထန်းလျက်ခဲရယ်နဲ့
ပဲမျိုးစုံ ကြုံလေခိုက်၊ ၀ယ်လိုက်ပါလား တဲ့။

တံငါလှေ
တံငါမြေ ကုန်ရောင်းဖို့၊ ဒီချောင်းမှာနား။
ပုစွန်ကျားရယ်နဲ့
ငါးမျိုးစုံ ကြုံလေခိုက်၊ ၀ယ်လိုက်ပါလား တဲ့။

ကမ်းစပ်မှာ မြှောင်
အိုးဖောင် ကုန်ရောင်းဖို့၊ ဒီချောင်းမှာနား။
ရာဝင်အိုးရယ်နဲ့
အိုးမျိုးစုံကြုံလေခိုက်၊ ၀ယ်လိုက်ပါလား တဲ့။

ကမ်းစပ်မှာ မြှောင်
ငါးဖောင်ကုန်ရောင်းဖို့၊ ဒီချောင်းမှာ နား။
ခယင်ငါးရယ်နဲ့
ငါးမျိုးစုံကြုံလေခိုက်၊ ၀ယ်လိုက်ပါလား တဲ့။

ဒီလမ်းက ပန်းဗေဒါ။
ဆုန်ရေ စန်ရေနဲ့
ထုံပေပေ သူမနား၊ သွားရခါခါ။
ပါပါစ ရောင်းစရာ၊ ပါရာဘု သူတို့နည်း။

အပြာမှာ အ၀ါ ကွက်ကယ်နဲ့
အတက်မှာ သူရွှင်ပြပေမဲ့
ကျလည်းလေ သူမငြင်းရှာဘု
ဒီချောင်းရေ ကောက်ကစင်းမှာ
ဆိုင်ခင်းလျက်ပဲ။ ။
*****

ဗေဒါ နှင့် ကျူပင်
မဗေဒါ ၊ ဆန်လာပေါ့ အပြင်း။
ချောင်းကျယ်ကျယ် အလယ်ကျွန်း
ရေမွန်းလိုက်ရင်း။

ဗေဒါဆွေ၊ ရေစုန်နဲ့ ပြန်ဆင်း။
ချောင်းကျယ်ကျယ် အလယ်ကျွန်း။
သောင်ထွန်းလိုက်ရင်း။

မဗေဒါ၊ ဆန်လာပေါ့ အတင်း။
နုန်းနှစ် လတာပြင်က
ညောင်ညိုပင် မြစ်ပါးပျဉ်း၊ ပုန်းရပြန်ရင်း။

ဗေဒါဆွေ၊ စုန်ရေနဲ့ ပြန်ဆင်း။
နုန်းနှစ် လတာပြင်က
ညောင်ညိုပင် မြစ်ပါးပျဉ်း၊ ခေါင်းဖော်လိုက်ရင်း။

ကျူပင်ရိုးမှာတော့၊ ယိမ်းထိုးရ အခါခါ။
မဗေဒါ စုန်ဆန်မျော၊ မောတဲ့နေရာ။
လွှဲလိုက်ရ ဘယ်နဲညာ၊ရိုးတံညှာ ရွက်စိမ်း။
မနိုင့်တနိုင်နဲ့
ယိုင့်တယိုင် ဒီရေစီးကို၊ သည်းခံလို့ ယိမ်း။ ။

*****
သင်သေသွားသော်
သြော် – လူ့ပြည်လောက လူ့ဘ၀ကား
အိုရနာရသေရဦးမည်၊ မှန်ပေသည်တည့်
သို့ပြီးတကား၊ သင်သေသွားသော်၊ သင်ဖွားသောမြေ
သင်တို့ပြည်သည်၊ အခြေတိုးမြင့် ကျန်ကောင်းသင့်၏
သင်၏ မျိုးသား၊ စာစကားလည်း၊ ကြီးပွားတက်မြင့်
ကျန်ကောင်းသင့်၏၊ သင်ဦးချ၍၊ အမျှဝေရာ
စေတီသာနှင့်၊ သစ္စာအရောင်၊ ဉာဏ်တန်ဆောင်လည်း
ပြောင်လျက်ဝင်းလျက်၊ ကျန်စေတည်း။

AddThis Social Bookmark Button


Design by Amanda @ Blogger Buster